По цели 13 години, по онаа сезона 2008/09 кога стигнаа до шампионската титула, Македонија ЃП првпат го чувствува второто место на првенствената табела во елитното друштво.
„Лавовите“ со денешниот триумф од 1-0 над Работнички се пробија на втората позиција на табелата, барем до утрешните натпревари на Шкендија и на Академија Пандев.
Но, како и да е, јасно е дека Македонија ЃП до крај ќе се бори за европски излез преку прволигашките натпреварувања, иако за нив како опција секако останува и Купот на Македонија. Веќе во среда гостуваат против Струга ТЛ во полуфиналето на најмасовното домашно клупско натпреварување.
Денеска во Ѓорче Петров, пак, прв пораз и за Стојанче Игњатов на клупата на Работнички. По двете претходни победи откако го презеде кормилото на „романтичарите“, Игњатов сега со прв пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
