Бернд Мејландер го предупреди Макс Верстапен пред големата трка на Нирбургринг која ќе трае 24 часа.
Бернд Мејландер е поранешен шампион во ГТ3 и долгогодишен возач на безбедносно возило на ФИА. Во 2000 година, тој победи токму на Нирбургринг во трка на издржливост која траеше 24 часа, токму онаа во која Макс Верстапен ќе учествува во мај.
Макс возеше на Нирбургринг и победи на „Зелениот пекол“, но досега немаше можност да вози трка од овој формат, иако има феноменален Мерцедес ГТ3 и поддршка од публиката ширум светот.
Самата трка ќе биде на 16 и 17 мај, веднаш меѓу трките за Големата награда на Мајами и Големата награда на Канада, па Бернд Мејландер зборуваше и за тоа.
„Следам сè што се случува на Нирбургринг и мислам дека е фантастично што шампионот на Формула 1 ќе вози 24-часовна трка. Тоа е добро за овој спорт. Се обидов да победам седум пати и бев блиску само двапати. Успеавме да победиме само во 2000 година затоа што сè помина по наше“, се присети Мејландер.
Предупредување пристигна и за Макс Верстапен…
„Најдобриот совет што можев да му го дадам е дека сè имавме совршено во 2000 година и повторно на состаноците добивме совет дека сите мора да соработуваме затоа што иако автомобилот е добар, има многу за возење до целта. Би го предупредил да не презема премногу ризици. Што се однесува до правилата и познатата „зона 60“, ќе треба да имате малку среќа. Лесно можете да добиете казна“, објасни Мејландер.
На 18 и 19 април, Макс Верстапен ќе учествува во квалификациите за Нирбургринг, каде што ќе дознаеме од која позиција ќе ја започне трката.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
