Дури 13 македонски интернационалци се одлучија да се вратат во најсилната домашна лига за новата сезона по сопственото меѓународно искуство.
Повторно на домашната фудбалска сцена се вратија и двајца актуелни репрезентативци, Егзон Бејтулаи во Шкендија и Кире Маркоски кој треба да биде повеќе од сериозно засилување за Академија Пандев.
Во македонскиот фудбал, по цели десет години интернационална кариера откако во 2010 година од Работнички се пресели во Динамо Букурешт, е и голманот Кристијан Наумовски кој сега ќе го носи дресот на Шкупи.
Работнички на домашната сцена го врати офанзивецот Фахрудин Ѓурѓевиќ, а Борец, пак, Оливер Пеев.
Со најголем број повратници е Струга Трим Лум. Стружани вратија во Македонија дури четворица досегашни интернационалци меѓу кои најзвучно име е Марјан Алтипармаковски. Сериозно засилување на одбраната ќе имаат и во Јасмин Мециновиќ.
ПОВРАТНИЦИ ВО МАКЕДОНСКОТО ПРВЕНСТВО:
ШКЕНДИЈА: Егзон Бејтулаи (Хелсингборг, Шведска)
РЕНОВА: Филип Стојчевски (Сиони Бониши, Грузија)
ШКУПИ: Кристијан Наумовски (Балзан, Малта)
АК. ПАНДЕВ: Кире Маркоски (Карвина, Чешка), Кристијан Трапановски (Подбрезова, Словачка), Никола Серафимов (Јихлава, Чешка)
РАБОТНИЧКИ: Фахрудин Ѓурѓевиќ (Храдец, Чешка)
БОРЕЦ: Оливер Пеев (Каламата, Грција)
СТРУГА ТЛ: Марјан Алтипармаковски (Пирин, Бугарија), Јасмин Мециновиќ (Персела, Индонезија), Александар Ристевски (Влазнија, Албанија), Агон Хани (Славој, Чешка)
ПЕЛИСТЕР: Филип Стојановски (Феризај, Косово)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
