Фудбалерите на американскиот Лос Анџелес и мексиканскиот Клуб Америка ќе одиграат плеј-ин натпревар за пласман на Светското клупско првенство, соопшти ФИФА.
Како што објави ФИФА на социјалната мрежа „Х“, плеј-ин натпреварот ќе се игра на 31. мај во Лос Анџелес.
Плеј-ин натпреварот беше организиран за да се пополни празното место со исфрлањето на Леон, кој има ист сопственик како и Пачука.
Победникот од мечот Лос Анџелес – Клуб Америка ќе се најде во групата Д заедно со екипите на Фламенго (Бразил), Есперанса Тунис (Тунис) и англиски Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
