Синиша Михајловиќ останува тренер на Болоња до 2023 година, потврдија од италијанскиот калчолигаш. Србинот тренерската кариера ја почна како помошник на Роберто Манчини во Интер, а потоа самостојно ги водеше Болоња, Катанија, Фиорентина, Сампдорија, Милан и Торино, а беше и на чело на репрезентацијата на Србија.
Минатата сезона и помогна на Болоња да обезбеди опстанок во Серија А, а во моментов неговиот тим се наоѓа на десеттата позиција на првенствената табела, со пет бода помалку од Наполи кој е на место кое води во Лигата на Европа следната сезона.
Минатото лето имаше и голема драма, кога објави дека боледува од леукемија, болест со која успеа да се избори, а од Болоња во ниту еден момент не се откажаа од него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА