Спал го изненади Милан и успеа да ремизира 2-2 иако цело полувреме играше со играч помалку поради исклучувањето на Марко Д’Алесандро. „Росонерите“ се спасија и од пораз во судиското продолжение откако Франческо Викари си постигна автогол.
Спал поведе со голот на Матија Валоти во 13.минута, а потоа Серџо Флокари постигна прекрасен погодок изненадувајќи го Донарума со шут од огромна далечина.
Рафаел Леао во 79.минута намали на 2-1, а Спал несреќно си постигна автогол во судиското продолжение и не успеа да победи.
Сасусоло славеше со 1-3 на гости против Фиорентина, а гостински триумф оствари и Сампдорија против Лече (1-2). Верона ја совлада Парма со 3-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА