Полскиот напаѓач Кжиштоф Пјатек ги договори сите услови за трансфер во редовите на Милан.
Според наводите на италијанските медиуми, 23-годишниот фудбалер со Милан договорил петгодишна соработка вредна два милиони евра. Во текот на денешниот ден и Милан треба да разговара со челниците на Џенова. На маса ќе биде понуда од 45 милиони евра, но сосема извесно ќе биде дополнета и со разни бонуси.
Полскиот напаѓач сезонава воодушевува во Серија А. Иако е во Италија само шест месеци откако изминатово лето пристигна од полска Краковија, еден е од најдобрите офанзивци на Апенините со постигнати 19 голови во 21 натпревар.
Овој напаѓач на „Сан Сиро“ треба да биде замена за Гонзало Игуаин за кого веќе се тврди дека е нов член на лондонски Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
