Италијанскиот калчолигаш Милан го потврди трансферот на полскиот интернационалец Кжиштоф Пјатек од Џенова. Соиграчот на Горан Пандев за сума од 35 милиони евра се пресели на „Сан Сиро“, а потпиша договор до 2023 година. Тој оваа сезона блесна во Серија А постигнувајќи 13 гола на 19 натпревари за составот на Џенова. Беше цел на најголамите европски клубови, а раководството на Милан успеа да го комплетира неговиот трансфер.
Пјатек денеска ќе биде претставен како нов член на „росонерите“, а потоа треба да го има и првиот тренинг со тимот на Џенаро Гатузо. Пјатек ќе биде новата ударна игла во нападот по заминувањето на Гонзало Игуаин во Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА