Белгискиот голман Тибо Куртоа, беше апсолутен херој на вчерашното финале во Лигата на шампионите. Тој запиша девет одбрани во финалниот меч, или најмногу во целата Лига на шампиони, а во 59. минута неговиот соиграч Винисиус постигна гол со кој Реал на крајот го подигна големиот трофеј.
Куртоа заслужено е прогласен за играч на натпреварот, откако го „заклучи“ својот гол пред налетите на противникот. Иако им го „украде“ трофејот, на крајот Куртоа ја воодушеви јавноста со својата објава на „Твитер“. Тој утрово испрати порака до навивачите на Ливерпул кои имаа лошо искуство на стадионот. Поради оние кои влегле на стадионот без билети, некои со билети не можеа да влезат на Стад д Париз и да го гледаат натпреварот.
„Жал ми е за навивачите на Ливерпул поради начинот на кој беа третирани од страна на полицијата. Се надевам дека сите безбедно ќе заминат во своите домови“, напиша Куртоа.
I feel sorry for @LFC fans and the way they were treated. I hope everyone got home safe!
— Thibaut Courtois (@thibautcourtois) May 29, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА