Драган Раца ќе остане запаметен како најслаб селектор во историјата на македонската репрезентација, стратег што беше „од нафталин“ изваден од тогашниот претседател Петар Наумоски и под чие водство „црвено-жолтите“ играа катастрофално пред тој да си замине од функцијата.
Најсериозната работа во Европа овој стратег ја имаше во кипарската кошарка, од каде си замина во 2018 година, а сега конечно си најде нов ангажман, и тоа во далечната Кина. Раца беше промовиран за нов стратег на Вухан Данги, а неговиот менаџер Миња Илиќ летна во облаци објавувајќи го договорот како „најбогат тренерски дил надвор од НБА-лигата“.
Serbian, Dragan Raca signed 3 year contract with NBL Wuhan Dangdai, which will make him highest paid Head Coach outside of NBA.
— Minja Ilic (@minja2011) May 6, 2021
Не сме запознаени колку менаџерот на Раца е запознаен со платите надвор од НБА-лигата, па иако Кинезите се познати дека даваат повеќе пари од заслуженото, тешко е да се поверува дека некој би му платил богатство на стратег со така скромно реноме и уште поскромни тренерски квалитети.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА