Синоќа, Милан разочара на Сан Сиро бидејќи неочекувано беше поразен од Ференцварош (0-2) во натпреварот од Европската лига, а Лука Модриќ предизвика посебен гнев кај навивачите на „росонерите“ поради Динамо Загреб.
Милан го пречека Ференцварош во четвртото коло од лигашкиот дел од Европската лига и многумина веруваа дека италијанскиот клуб ќе освои три бода без поголеми проблеми. Сепак, гостите од Унгарија ги шокираа „росонерите“ синоќа и успеаја да извојуваат огромна победа на „Сан Сиро“.
Искусниот Лука Модриќ, кој играше синоќа само во второто полувреме, неочекувано беше нападнат од навивачите на Милан.
Модриќ го започна натпреварот од клупата, но кога Милан го прими првиот гол, влезе во игра. Сепак, по натпреварот Модриќ веројатно немаше поим какви критики ќе добие.
Поразот беше тежок за навивачите на Милан, поради што го следеа секој чекор на играчот на социјалните мрежи, а потоа видоа што прави Модриќ на официјалниот профил на Динамо Загреб на Инстаграм.
За разлика од „росонерите“, тимот на Динамо направи сензација и славеше во Англија над Сандерленд (0-2), а Модриќ ги поддржа речиси сите објави на својот поранешен клуб со лајкување на Инстаграм.
Навивачите на Милан го забележаа тоа па „удрија“ по искусниот хрватски играч од средниот ред, сметајќи го неговиот однос за несоодветен.
„На Модриќ му се допаѓа објавата на својот поранешен клуб по срамот што го доживеавме, па тоа е неприфатливо. Во ред е што си среќен што твојот сакан клуб победи, но во оваа ситуација не се истакнуваш јавно. Неверојатно е што му се допадна објавата на Динамо“, се само дел од коментарите на незадоволните навивачи на Милан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
