Во последниот период се погласни беа најавите дека Нејмар ќе замине од ПСЖ, а најмногу се зборуваше за неговото враќање во Барселона. Сепак, се чини дека нема да има ништо од враќањето во поранешниот клуб, најверојатно Нејмар ќе остане во Париз и во иднина.
Веќе неколку недели челниците на ПСЖ водат неформални разговори со Нејмар за продолжување на неговиот договор. Синоќа, по натпреварот против Марсеј, тие презеле конкретни чекори и разговарале за платата и продолжувањето на новиот договор, пренесуваат медиумите од Франција.
Нејмар е најдобриот стрелец во клубот од Париз, па неговата ефикасност во ПСЖ ги натера челниците да дадат понуда на маса и Бразилецот да го обезбедат за во иднина. Во периодот кој следува, останува да се види дали Нејмар ќе остане во ПСЖ или ќе го промени клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
