Коби Брајант беше спортски идол на Ник Кирјос, Австралиецот на првиот меч по трагичната смрт на кошаркарската легенда се појави во негов дрес од ЛА Лејкерс, а во меѓувреме отиде и чекор понапред за да го задржи Брајант во вечен спомен.
Имено, Кирјос денеска се пофали со новата тетоважа, со ликот на Коби Брајант кој е извонредно нацртан на левата рака на тенисерот.
„Никогаш не го запознав Коби, но кошарката практично е мојот живот. Го следам овој спорт откако знам за себе, а моментот кога се разбудив и ја слушнав трагичната вест, тоа беше многу емоционално, многу тешко“, истакна Кирјос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА