По принудното откажување на трките во Саудиска Арабија и Бахреин поради нестабилната политичка ситуација, Формула 1 се соочува со нов предизвик кој би можел дополнително да ја парализира сезоната. Овој пат, пречката не е политиката, туку екстремните временски неприлики кои му се закануваат на претстојниот викенд во Флорида.
Метеоролошките прогнози за Мајами најавуваат силно невреме проследено со обилен дожд и грмежи. Иако фановите со нетрпение го очекуваа камбекот на патеката, организаторите и тимовите се сериозно загрижени за безбедносните протоколи.
Клучниот проблем не е само состојбата на асфалтот, туку неможноста за полетување на медицинскиот хеликоптер. Според строгите правила на ФИА, доколку временските услови не дозволуваат безбеден лет на хеликоптерот, трката не може да започне, бидејќи тој е неопходен за брза евакуација во случај на сериозен инцидент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
