Македонската одбојкарска репрезентација на почетокот од следната година, на 5 и на 9 јануари ќе ги одигра завршните два натпревари од евроквалификацискиот циклус. На дуелите против Украина во гости и против Унгарија на домашен терен, македонскиот национален тим ќе се бори за пласман на Европското првенство кое што ќе се одржи во септември следната година.
Одбојкарската селекција од денеска е на собир, ги почнува подготовките за средбите преку кои треба да биде направен најголемиот успех досега.
Нашата селекција во пресрет на овие мечеви е на втората позиција на табелата со биланс од две победи и два пораза. Лидер во нашата конкуренција е репрезентацијата Украина која досега има максимални четири победи. Македонскиот тим ја брка втората позиција бидејќи на еврошампионатот одат првопласираните селекции од сите конкуренции како и пет второпласирани од седумте квалификациски групи.
Во досега одиграните четири средби, македонскиот состав има два триумфа вомечевите со Швајцарија, додека ги загуби дуелите со Украина и со Унгарија во пет сета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
