Одбојкарките на Пелистер волеј се нови шампионки на Македонија во пионерска конкуренција.
Во големото финале на Ф4 турнирот, битолчанки славеа доминантно против екипата на Вардар од Скопје со 3-1, по сетови 22-25, 25-19, 25-16 и 25-21.
„Вардарки“ успеаја единствено да парираат во првиот сет кој го добија со 25-22, а се понатаму на натпреварот беше во знакот на одбојкарките на Пелистер волеј. Во вториот и третиот сет Пелистер заигра убедливо и во ниту еден момент не беше доведен под знак прашање победникот во сетовите.
Во четвртиот одлучувачки сет се играше буквално поен за поен. Вардар имаше и водство од 18-14, но во финишот со одлична игра Пелистер волеј сосема заслужено стигна до победата за осигурување на шампионската титула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
