Филипинскиот боксер, Мани Пакиао ја задржа светската ВБА титула во велтер категорија откако со едногласна одлука на судиите, на поени победи во борбата со предизвикувачот, Адриен Бронер.
Во 70-та борба во кариерата, прва откако наполни 40 години, стигна до 61-та победа од кои 39 со нокаут. И не се откажува. Сака и натаму да се бори…
„Господ ми подарил здравје и затоа можам да се борам и со 40 години. Можев да бидам и поагресивен, но ме советуваа да чекам на контра“ – истакна по мечот Пакиао, кој не можеше да издржи а да не го прозива Мејведер.
„Кажете му да се врати во ринг и да се бориме. Подготвен сум и сакам повторно да се борам против него, ако тој е подготвен да се врати на боксот“ – рече Пакиао, кој загуби од Мејведер во 2015 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
