Македонскиот репрезентативец Горан Пандев во последен момент отпадна од составот на Џенова за пресметката против Рома на „Олимпико“ во Серија А која почнува од 12:30 часот.
Како што пренесуваат Италијанците, поради мала повреда Пандев нема да може да биде на располагање на тренерот Давиде Балардини, кој за дуелот во Рим нема да може да смета и на голманот Матија Перин.
Пандев поради повреда пропушти четири меча на почетокот од оваа година, потоа добивајќи и помала минутажа во составот на Џенова. Досега има три гола во Серија А сезонава во дресот на џеновјаните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА