Македонскиот фудбалски прволигаш Пелистер го промовираше Нигериецот Удова Келвин Чумуква. Крилниот фудбалер беше на проба во Битола, а одлично одигра на мечот со Велешта во кој постигна два гола.
Стратегот на битолчани Марјан Секуловски бил задоволен од прикажаните партии на Нигериецот, па затоа доби договор со прволигашот. Чумуква е шесто засилување за Пелистер во зимскиот преоден рок, а претходно во таборот стигнаа и Поповски, Али, Љамчевски, Стефановски и Торневски.
Викендов почнува пролетниот дел во Првата македонска фудбалска лига, а прв противник за Пелистер ќе биде Работнички.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА