Јасно беше дека Килијан Мбапе беше на чекор до дресот на Реал Мадрид, но на крајот се одлучи да остане во ПСЖ. И покрај тоа што веќе имаше договор со „кралевите“ и се чекаше само потпис, на крајот францускиот напаѓач се одлучи да остане во Париз.
Реал вчера ја освои Лигата на шампионите со триумфот над Ливерпул, а по мечот претседателот Флорентино Перез го начека моментот да го „дотолчи“ Мбапе.
„Реал секогаш ќе настојува да ги има најдобрите играчи во своите редови, но Мбапе е веќе заборавен, ништо не се случило. Таа тема е заборавена. Реал имаше одлична сезона. Мбапе не постои, постои само забава на Реал“, порача првиот човек на „кралевите“.
Перез коментираше и за Куртоа…
„Тој е најдобар на светот, затоа и го донесовме. Навива за Реал, а Анчелоти е во право кога кажува дека разликата меѓу Реал и другите ја прави тоа ако си навивач на Реал“, изјави Перез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
