Дефанзивецот на Барселона, Жерар Пике, најверојатно ќе го пропушти утрешниот натпревар на каталонскиот тим во Примера. Барселона му гостува на Лас Палмас, со надеж дека ќе оствари триумф и до крајот ќе води неизвесна трка со Реал Мадрид за освојување на шампионската титула. „Кралевите“ имаат одиграно еден меч помалку и се во пол – позиција за освојување на пехарот.
Пике не тренираше изминатите два дена и неговиот настап е крајно неизвесен. Тренерот на Барселона, Луис Енрике, нема да може да смета и на Серхи Роберто поради жолти картони, а подолг период се повредени Алеиш Видал и Рафиња. Неизвесен е настапот и на Жереми Матие и на Лукас Диње во одбраната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
