По заминувањето на Славољуб Бубања поради здравствени причини, македонскиот прволигаш Победа експресно договори нов стратег. Клубот за негов наследник утре ќе го официјализира ангажманот на 53-годишниот српски стратег Слободан Крчмаревиќ.
„Се заблагодарувам на соработката на сите во клубот, на соработнците, на фудбалерите на беспрекорната соработка целиот изминат период и посебно на навивачите, од кои имав подршка како никаде каде сум работел досега. Жал ми е што не освоивме повеќе бодови(оваа пролет само 3 од 15 можни), но сигурен сум дека Победа од оваа ситуација ќе излезе уште посилна и дека ќе го обезбеди опстанокот во Првата лига. Тоа го посакувам од се срце на клубот, ќе ги следам неговите настапи а Победа секогаш ќе биде во моето срце“, изјави Бубања.
Новиот тренер на прилепчани Слободан Крчмаревиќ(53 години) од 2006 година поседува УЕФА ПРО лиценца. Последен негов ангажман бил во клубот Ал Рифа во Бахреин, а во неговата досегашна кариера како тренер работел во: Рудар Велење-Словенија, Докса-Кипар, Медина-Либија, Жетсу-Казахстан, селектор на У-21 репрезентацијата на Казахстан, Анортозис Фамагуста и Аполон Лимасол-Кипар (Куп трофеј 2009/2010), селектор на У-21 репрезентацијата на Србија (6-то место на ЕП), ОФК Београд –Србија (куп финале 2006-пораз од Ц.Звезда 2-4 во продолжение и 3-то и 5 место место во првенството со два пласмани во Куп на УЕФА) и во младите категории во Партизан и ОФК Београд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
