Работнички и Струга ТЛ со денешниот прв натпревар од 25. коло во ПМФЛ го враќаат македонскиот фудбал на сцена, по паузата поради репрезентативните активности.
И двата тима се во серија порази поради што денешниот дуел е од исклучително значање и за двете страни. „Романтичарите“ посакуваат триумф иако се свесни дека ги чека тешка задача.
Победа посакуваат и во редовите на Струга ТЛ по трите едноподруго порази од Македонија ЃП, Академија Пандев и Шкупи.
„Не очекува тежок натпревар против навистина добра екипа. Мислам дека ќе биде неизвесен и квалитетен натпревар затоа што и двете екипи играат отворен фудбал. Знаеме дека Работнички ќе атакува на победа, но бодовите и нам ни се неопходни, па нема што да криеме јасно е дека ќе атакуваме на триумф“ – вели шефот на стручниот штаб на Струга ТЛ, Срѓан Захариевски.
ПМФЛ – 25. КОЛО (денеска, 15 ч.)
Скопје: РАБОТНИЧКИ – СТРУГА ТЛ
УТРЕ (15 ч.)
Скопје: ШКУПИ – ТИКВЕШ
Тетово: ШКЕНДИЈА – БОРЕЦ
Струмица: АК. ПАНДЕВ – СКОПЈЕ
Скопје: БРЕГАЛНИЦА – РЕНОВА
Скопје: МАКЕДОНИЈА ЃП – ПЕЛИСТЕР
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА