Ревијално последно коло во Првата македонска фудбалска лига во кое единствено одбележување ќе биде официјалната промоција на Шкупи како нов македонски шампион.
На дуелот со Академија Пандев на Чаир, Шкупи ќе го добие шампионскиот пехар по долги години носејќи триумфална радост за чаирската публика.
Сето друго во македонската фудбалска елита е веќе познато. Академија Пандев и Шкендија обезбедуваат европски излез за следната сезона, а од лигата испаднаа Пелистер и Борец. Тиквеш и Скопје, пак, ќе играат во баражот за опстанок во прволигашкото друштво.
Од следната сезона нови прволигаши повторно ќе бидат поранешните македонски шампиони, прилепска Победа и кратовски Силекс.
ПРВА ЛИГА – 33. КОЛО (денеска, 17 ч.)
Скопје: ШКУПИ – АК. ПАНДЕВ
Струга: СТРУГА ТЛ – ШКЕНДИЈА
Скопје: СКОПЈЕ – БРЕГАЛНИЦА
Велес: БОРЕЦ – РЕНОВА
Кавадарци: ТИКВЕШ – МАКЕДОНИЈА ЃП
Скопје: РАБОТНИЧКИ – ПЕЛИСТЕР
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
