Македонија ја совлада Австрија во Виена, и ја запиша првата победа во втората рунда претквалификации.
Репрезенттивецот Мозес Рајт беше задоволен од настапот на македонската репрезентација и победата на гостувањето во Виена. „Црвено-жолтите“ успешно го започнаа натпреварувањето, а американскиот кошаркар смета дека тимот целосно ја исполнил задачата поради која отпатувал во Австрија.
„Секогаш е убаво да се победи. Имавме и доста загубени топки, можам да набројам уште неколку работи кои треба да ги поправиме, но генерално сум задоволен бидејќи ја завршивме работата за која дојдовме овде. Среќен сум и поради атмосферата во екипата. Одигравме добар натпревар и заслужено победивме“, истакна Рајт.
Македонија во текот на целиот натпревар имаше контрола над случувањата на паркетот и со сигурна игра стигна до значаен триумф на стартот од циклусот.
За Рајт, покрај резултатот, особено важна е и позитивната атмосфера во тимот, што може да биде голем адут за репрезентацијата во продолжението од квалификацискиот циклус.
Со победата во Виена, Македонија направи важен чекор кон остварување на целта, а следните предизвици ќе бидат можност тимот да ја потврди добрата форма и да продолжи во ист ритам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
