Женската ракометна репрезентација на Македонија денеска со гостински натпревар против репрезентацијата на Германија ќе ги стартува квалификациите за пласман на Европското првенство кое што следната година ќе се игра во Чешка, Полска, Романија, Словачка и Турција.
Избраничките на Грчевски ќе имаат тешка задача на денешниот меч против фаворитот во групата, но сепак расположението во таборот на нашата репрезентација е на високо ниво.
Македонија по долгиот пост има настап на два континентални собири во низа па се надеваме дека ракометарките ќе ги бранат боите на националниот дрес и на шампионатот следната година.
Натпреварот меѓу Германија и Македонија е со почеток во 19.30 часот. Во нашата група уште се и репрезентациите на Словенија и Белгија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
