Напаѓачот на Манчестер Јунајтед, Маркус Рашфорд вели дека лошата форма на неговиот тим му го крши срцето. Јунајтед во неделата загуби од Арсенал со 0-1, а тоа беше веќе трет пораз за „црвените-ѓаволи“ сезонава и тоа на „Олд Трафорд“.
„Со фудбал се занимавам откако бев дете. Ја сакам својата работа и срцето ми се крши кога не иде се по план. Мора да најдеме начин да добиваме натпревари. Имаше успони и падови, но некогаш е така и секако дека имаше мечеви на кои моравме да освоиме бодови. Кога не ни оди секогаш се враќаме. Сега е тој момент“, изјави Рашфорд.
Манчестер Јунајтед сега го очекува натпревар против Башакшехир во Лигата на шампионите, каде во првите две кола забележа две победи против Пари Сен Жермен и Ред Бул Лајпциг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА