Новата сезона во кошаркарскиот шампионат на Македонија ќе стартува во октомври, а денеска конечно беше извршена и ждрепката по која е познат и целокупниот календар за натпреварување.
Шампионот МЗТ Скопје ќе ја отвори сезоната со домашен натпревар против Куманово, додека Работнички ќе биде голем фаворит на гостувањето против новиот прволигаш Академија ФМП. Дерби-дуелот во првото коло ќе се игра во Гевгелија, каде Кожув ќе го пречека засилениот состав на Охрид. Интересно ќе биде и во Кавадарци, каде тимот на Еуроникел (поранешен Фени индустри) ќе биде домаќин на Гостивар.
МЗТ Скопје во втората рунда го очекува незгодно гостување против Гостивар, а вечното дерби МЗТ – Работнички според утврдениот календар ќе се игра во последното коло.
ДВОЈКИ ЗА 1. КОЛО:
Еуроникел – Гостивар, Кожув – Охрид, Академија ФМП – Работнички, Вардар – Пелистер, МЗТ Скопје – Куманово. Слободен е тимот на МЗТ 2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА