Одличното прво издание на Real Madrid Foundacion Campus Experience фудбалски камп, кој се одржа во јуни во Скопје, го стационира „кралското семејство“ во Македонија за подолг период.
Првото изненадување за 2019 година ќе биде нов камп од 14. до 18. јануари крај охридското крајбрежје, сите заинтересирани млади фудбалери од 7 до 17 години ќе имаат можност да учествуваат на вториот фудбалски камп на Real Madrid Foundacion Campus Experience.
„Со гордост можеме да најавиме дека успешната приказна која започна во јуни во Скопје, со првиот камп Real Madrid Foundacion Campus Experience, продолжува од 14. до 18. јануари во Охрид. Тоа ќе биде еден убав почеток на 2019година, која ќе донесе големо изненадување и комплетно стационирање на Real Madrid Foundacion Campus Experience, вели Влатко Тодев, првиот човек на „Спорт Арена“, лиценциран партнер на фудбалскиот камп на Real Madrid Foundacion Campus Experience во Македонија.
Вториот камп ќе ги задржи и ќе ги подобри високите критериуми кога е во прашање организацијата. Младите фудбалери ќе бидат сместени во хотелот „Аквалина“ и пет дена ќе стекнуваат непроценливо фудбалско искуство од тренерите за млади категории на Реал Мадрид Фондација Кампус Експириенс. Ќе се стекнат со нови фудбалски и едукативни знаења, но и ќе ги спознаат начелата т.е вредностите на „кралскиот клуб“, респект, почитта, самоконтролата, иницијатива и тимска работа.
Поддржувачи на кампот се и Владата на Република Македонија, како и Агенцијата за млади и спорт. Подетални информации за фудбалскиот камп, за целосната програмата и регистрација, можете да прочитате на следниот линк
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
