Лука Модриќ, играчот на Реал Мадрид вчера дојде до својот петти пехар во Лигата на шампионите. Хрватот имаше свој удел во одличната сезона за „кралевите“ која ја зачинија на крајот со големиот трофеј во најелитното европско натпреварување. Модриќ претходно го освојуваше пехарот и во 2018, 2017, 2016 и 2014 година.
Интересно е тоа што во последните десет сезони барем еден фудбалер од Хрватска го подигнуваше трофејот во Лигата на шампионите. Серија ја почна Манџукиќ во 2013 година кога со Баерн успеа да се закити со пехарот, па следуваше Модриќ со Реал во 2014. Во 2015 Барселона со Ракитиќ во составот, а во 2016, 2017 и 2018 година Модриќ и Ковачиќ го подигнуваа трофејот.
Во 2019 Ловрен успеа да го освои со Ливерпул, во 2020 Перишиќ со Баерн Минхен. Во 2021 Ковачиќ со Челси, и оваа година повторно Модриќ со „кралевите“.
Значи, тоа е рецептот за да се дојде до трофеј во најелитното европско натпреварување.
A Croatian has now won the #UCL in each of the last 10 seasons:
2013: Mandzukić
2014: Modrić
2015: Rakitić
2016: Modrić, Kovačić
2017: Modrić, Kovačić
2018: Modrić, Kovačić
2019: Lovren
2020: Perisić
2021: Kovačić
2022: Modrić🇭🇷🏆 pic.twitter.com/tc0rYr44hl
— William Hill (@WilliamHill) May 28, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА