Главоболките на Јирген Клоп во пресрет на продолжението од сезоната во Премиер-лигата уште повеќе се зголемија откако се повреди и капитенот Џордан Хендерсон. Тој беше стартер за Англија на вчерашното гостување против Белгија, но мораше да биде заменет уште на полувремето.
„Хендерсон почувствува болка во мускулот и кажа дека не може да продолжи. Колку е сериозно ќе дознаеме по враќањето назад во Англија, каде ќе му бидат извршени нови прегледи“, изјави англискиот селектор Герет Саутгејт.
Тешко е да се поверува дека Хендерсон со повреда на мускулот ќе биде подготвен за следниот премиерлигашки дуел, на домашен терен против лидерот Лестер. Ова е последен во низата проблеми за Клоп, кој не може да смета на Салах, Гомез, Ван Дајк и Александер Арнолд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА