Сензација во НЦАА: Бејлор ја изненади непобедливата Гонзага

Универзитетот Бејлор е новиот владетел во кошаркарската НЦАА-лига откако во синоќешното финале неочекувано лесно го совлада големиот фаворит Гонзага со 86-70. Со тоа, Бејлор стигна до првата титула во својата историја, само втора во историјата на државата Тексас.

Гонзаагво текот на целата сезонаа не знаеше за пораз, во денешното финале влезе со фантастична серија од 31 победа, но големиот фаворит не успеа да ја оправда оваа улога. Притисокот да се стигне до титулата без пораз, со што ќе беа прв тим по Индијана во 1976 година, се покажа преголем, Гонзага одигра слабо во одбраната, му дозволи на противникот да доминира и на крајот заслужено да слави.

Дејвион Мичел беше најефикасен со 26 поени, а Џеред Батлер придонесе со 22 поени и 7 асистенции во триумфот на Бејлор.

 

Се вчитува...