Ремито со Атлетико Мадрид (2-2) во голема мера значи збогуб за Барселона од одбраната на шампионската титула во Шпанија. Сега се е во рацете на Реал Мадрид кој би можел да се одвои на четири бода разлика.
Сето тоа значи и набрзо отказ за тренерот на каталонскиот тим, Кике Сетиен. Поголемиот дел од ѕвездите во тимот се разочарани од начинот на кој ги води Сетиен, а број еден меѓу бунтовниците е Антоан Гризман кој под негово водство е резерва.
„Не може секој да игра“ – изјави синоќа Сетиен на прашањето околу францускиот напаѓач кој во игра против поранешниот клуб влезе во 90. минута.
„Не е лесно… Не се согласувам со оние кои велат дека не верувам во Гризман. Тој е важен играч за нас, и само околностите не прислија да го ставам на клупа. Оние кои добија можност од првата минута добро ја завршија задачата. Знам дека на Гризман му е тешко, ќе разговарам со него но сигурно нема да му се извинам. Јасно ми е дека се чувствува лошо, но и јас се чувствувам лошо затоа што тој е одличен фудбалер и прекрасна личност“ – вели тренерот на Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА