Кризата која го зафати светот поради коронавирусот го блокираше целиот спорт, а под силен удар е тенисот. Особено играчите кои немаат акумулирано богатство како Федерер, Надал Ѓоковиќ и неколкумина други кои можат да го издржат периодот во кој нема турнири и заработка. Затоа дел од тенисерите додека не играат тенис мора да работат за да имаат некакви приходи.
Таков е случајот со ланскиот освојувач на титулата на Ролан Гарос во двојки, Германецот Кевин Кравиц. Тој минатата година со сонародникот Андреас Мес го освои трофејот во Париз, а сега реди производи во супермаркет.
„Работам за 450 евра во супермаркет веке неколку недели. Секогаш планирав да пробам како е со „нормална“ работа. Коронавирусот ми даде прилика за тоа. Со колега ги редиме полиците со сирење и салами. Минатата недела бев и обезбедување на супермаркетот“ – вели Кравиц.
Тенисот ќе биде во прекин најмалку до средината од јули. Откажан е и Вимблдон, а Ролан Гарос е презакажан за на есен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА