Тетовска Шкендија денеска од 16 часот во Кратово против Силекс ќе атакува на петтата победа во исто толку натпревари на стартот од сезоната во Првата македонска фудбалска лига.
26-годишниот напаѓач од Габон, Фахд Ндзенгуе е оптимистички расположен пред дуелот во Кратово, верувајќи дека тимот може да продолжи по триумфалниот пат.
„Треба да победиме, па мислам дека натпреварот ќе биде добар. Имам доверба во моите соиграчи и во стручниот штаб. Ајде да одиме и да го добиеме овој натпревар, тоа е единственото нешто што можам да кажам, ајде да одиме на победа и да продолжиме вака. Секако, тимската игра останува примарна. Дури и ако јас не постигнам гол, но тимот победи, тоа е добро. Тимот е пред сè, целта на тимот е над секој поединец. Ако јас постигнам гол, тоа е добро за мене затоа што сум напаѓач, но ако тимот победи и некој друг постигне гол, тоа е сепак добро затоа што тимот е над сите. Мораме да направиме сè за тимот, тимот е на прво место“ – вели Ндзенгуе пред денешното гостување во Кратово.
Oва ќе биде јубилејна 50-та меѓусебна пресметка меѓу овие два ривала. Во досегашните 49 дуели, Шкендија е поуспешна со 33 победи, Силекс триумфирал на 5 меча, додека 11 средби завршиле без победник.
Натпреварот меѓу Силекс и Шкендија се игра во петок на стадионот во Кратово со почеток од 16 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
