Продолжувајќи со засилувањата за новата сезона, Шкупи официјално го промовираше и поранешниот македонски репрезентативец Ѓорѓи Стоилов.
Стоилов откако ја заврши соработката со Зира од Азербејџан, сега се приклучува на Шкупи до крајот на сезоната.
„Мило ми е што потпишав со Шкупи. Ова е екипа со традиција која има високи цели. Среќен сум што ќе бидам дел од тим со многу добри фудбалери. Кој не би сакал да игра за Шкупи? Тоа е тим со историја и верни навивачи“ – вели Стоилов.
26-годишен Стоилов претходно во македонското првенство настапуваше и за Хоризонт Турново и за Академија Пандев со кој тим го освои Купот на Македонија.
Шкупи досега во зимскиот преоден рок ги ангажираше и Омер ИМери, Бесник Ферати, Кевен Игнасио, Патрик Менсах, Азер Омерагиќ, Омер Силејман и Гаги Мергвелашвили.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА