Македонскиот кошаркарски репрезентативец Ти-Џеј Шортс одигра уште еден одличен меч во Еврокупот, предводејќи го тимот на Париз до убедлива победа на гостувањето против Хапоел Тел Авив (86-104).
Дуелот се играше на неутрален терен во Рига поради конфликтот во Израел, а гостите од Франција знаеја како да го искористат тоа, одиграа маестрално во нападот и заслужено стигнаа до победа. Шортс беше незапирлив за израелскиот состав, па Американецот со македонски пасош го заврши мечот со 20 поени и само едно промашување од поле, надополнети со 10 асистенции и две украдени топки.
Париз со оваа победа над директниот ривал за висок пласман се зацврсти на првото место во групата, сега со три победи повеќе во однос на второпласираниот Хапоел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
