Македонската женска ракометна репрезентација загуби од Чешка на вториот евроквалфикациски натпревар. Разликата на крајот беше осум гола позитива на гостинските иако нашите ракометарки 40 минути играа рамноправен ракомет. Ваков е впеатокот и на селекторот Симе Симовски.
„Победата на Чешка е заслужена, но резултатот е малку поголем и тоа не е мерило. Игравме дисциплинирано 40 минути, направивме потоа грешки во напад кои Чешка ги казни со полуконтри и контри. Во напад исто така падна концентрацијата во последните десет минути и затоа резултатот е таков каков што е. Навидум резултатот изгледа бомбастично, но не е така. Работевме за овој меч, ја подмладивме репрезентацијата. Им се дава шансата на помладите што треба да го носат товарот во иднина“ – вели селекторот Симовски.
Македонската репрезентација сега има два пораза и поравен ќе бара во мартовскиот двомеч против Португалија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
