Срамот против Хибернијан значеше крај за тренерот на Миовски

Македонскиот фудбалски репрезентативец Бојан Миовски го имаше најлошиот натпревар откако е член на шкотскиот Аберди во убедливиот пораз на гостувањето кај Хибернијан од 6-0 во натпревар од 23. коло во Премиер-лигата.

Катастрофалната форма на тимот по паузата поради Светското првенство во Катар ја разниша позицијата на тренерот Џим Годвин, а денешниот убедлив пораз само ја прели чашата кај раководството на клубот што значеше и крај за досегашниот шеф на стручниот штаб.

Во следниот период клубот ќе го води неговиот заменик Ли Шарп.

 

Се вчитува...