Сведоци сме на страшни сцени на мечот во Штутгарт меѓу Шкотска и Унгарија, откако унгарскиот напаѓач Барнабаш Варга колабираше на теренот по еден дуел во противничкиот шеснаесетник.
Собослаи нафрли од скратен корнер, делуваше дека шкотскиот голман се судри со еден свој соиграч, но најдебелиот крај го извлече Варга, кој веднаш по падот остана да лежи без свест.
Притрчаа лекарите на двете селекции, а останатите унгарски фудбалери се собраа околу Варга не дозволувајќи фотографирање или снимање на повредениот фудбалер. Варга на носилки беше изнесен од теренот, со аплаузи испратен од навивачите на двете селекции.
Сите фудбалери делуваат во шок, со надеж дека наскоро ќе добијат позитивни вести за состојбата на Варга, кој настапува за екипата на Ференцварош.
Hungary player Barnabas Varga got a strong hit and is now unconscious.
Pray for him 🙏pic.twitter.com/zscb2aUgbC
— Football World ⚽ (@xFootballWorld_) June 23, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
