Барселона идната сезона избори место во групната фаза во Лигата на шампионите. Меѓутоа „Каталонците“ се соочуваат со суспензија од УЕФА поради случајот „Негреиро“ и потенцијалната корупција во Ла Лига. Поради тоа УЕФА покренала истрага, и сега е на ред да се донесе одлука.
За да не се случи суспензија од страна на УЕФА, претседателот на клубот, Жоан Лапорта ќе оди во Истанбул на финалето во Лигата на шампионите, и таму закажал средба со Александар Чеферин, првиот човек на европската куќа на фудбалот, на која ќе докажува дека Барселона е „чиста“.
Што ќе биде од сето тоа останува да се види, но Барселона е во сосема незавидна ситуација. Има финансиски проблеми, а дополнително неиграњето во ЛШ би можело да биде дополнителен удар за „Каталонците“ од финансиски аспект.
Во последните две сезони Барселона завршуваше третопласирана во групата, и потоа беше елиминирана во Лигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА