Светската пливачка федерација го суспендираше двократниот олимписки првак во пливање Евгениј Рилов. Суспензијата е со траење од девет месеци, а причината е неговото присуство на митингот на 8. март по повод годишнината од анексијата на Крим.
Еден од говорниците на стадионот „Лужники“ беше и претседателот на Русија, Владимир Путин, а федерацијата тоа го окарактеризирала како поддршка за рускиот претседател и неговите одлуки за агресија врз Украина.
Согласно тоа, ФИНА се одлучи да го суспендира пливачот кој на ОИ во Токио освои златни медали на 100 и 200 метри грбно, како и сребро во штафета 4х200 метри слободно. Тој е двократен шампион и на 200 метри грбно, и трократен во мали базени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
