Екипата на ТФТ комплетираше уште еден домашен трансфер откако потпиша договор со Матеј Митревски, млад кошаркар од таборот на „црвено-црните“ кој ќе има можност да се проба и во елитното друштво.
Откако вчера го официјализираше трансферот на младинскиот репрезентативец Ѓорѓевиќ, ТФТ денеска го објави и потписот со 19-годишниот Митревски.
„Со задоволство го претставуваме Матеј Митревски, кој во ТФТ пристигнува од редовите на КК Вардар. Станува збор за 19-годишен млад и перспективен бек-шутер, кој во нашиот клуб ќе добие можност да продолжи да се развива и да го покаже својот потенцијал.
Матеј е уште еден дел од нашата определба за развој и афирмација на македонските млади кошаркари, кои ќе имаат шанса за докажување во Првата македонска лига, но и на регионалната сцена во ABA 2 лигата.
Добредојде во ТФТ, Матеј“, објави ТФТ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
