Откако претпладнево се закитија со Куп трофејот во кадетска конкуренција, Работнички ја заокружи доминацијата изминатава сезона во најмасовното клупско натпреварување и во младинска конкуренција.
На СРЦ „Билјанини извори“ во Охрид, младинците на Работнички стигнаа до титулата во Купот на Македонија откако во финалето со 3-1 славеа против Академија Пандев. По подобра игра младите „романтичари“ стигнаа до трофејот, на крајот за сосема заслужено славје.
Претходно, како што е познато, во кадетска конкуренција Работнички со 3-0 победи во финалето, исто така против Академија Пандев.
За апсолутната доминација во пионерско-младинските категории во Македонија на Работнички доволно зборува и податокот дека утре од 10:30 часот, исто така во Охрид, ги очекува финалето во Купот на Македонија и во пионерска конкуренција, против Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
