Работнички со нов тренер, Ѓоре Јовановски, влегува во битка за излез во Европа до крајот на шампионатот во Првата лига. Утре „романтичарите“ ќе го пречекаат тимот на Силекс, а капитенот Душко Трајчевски вели дека секој меч за нив до крајот на првенството ќе биде своевидно финале, почнувајќи од дуелот со кратовци.
„За нас секој меч до крајот на првенството е како финале. Промената на тренерската позиција малку го раздрма тимот, тоа секогаш носи некоја дополнителна енергија и се надевам дека сето тоа ќе го искористиме за да одиграме квалитетно против Силекс и да успееме да ги освоиме трите бода. Нема да биде лесно, Силекс е одличен состав, се наоѓа на третата позиција и на секој меч покажува дека е навистина квалитетен. Но, ние немаме друг избор, ќе излеземе на дуелот со само една цел – да победиме“, изјави Душко Трајчевски за официјалниот сајт на клубот.
Поради директен ТВ пренос, овој натпревар утре ќе започне во 15 часот, еден час порано од останатите натпревари во 26.коло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
