Дарио Шариќ ланската сезона одигра само пет меча за Сакраменто кингс, јасен знак дека за хрватскиот крилен кошаркар нема веќе иднина во НБА.
Хрватот е подготвен за камбек назад во европската кошарка, а неговиот агент Мишко Ражњатовиќ преку своја препознатлива најава најави голем камбек – потпис на Шариќ за Анадолу Ефес. Хрватот пред десет години од ЕФес се пресели во НБА-лигата, а последните информации говорат дека Дарио сега ќе потпише двогодишен договор со гигантот од Истанбул.
„Туркиш ерлајне е единствената авио-компанија што им овозможува на патниците да се вратат со истиот билет по 10 години“, објави Ражњатовиќ.
Шариќ одигра 498 средби во НБА-лигата (на 230 од нив беше стартер) во просек постигнувајќи по 10,3 поени и 5,3 скокови по натпревар додека ги бранеше боите на Филаделфија, Феникс, Минесота, Голден Стејт, Оклахома, Денвер и Сакраменто.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
