Фудбалерите на Ал Хилал ја освоија двојната титула откако во финалето на Купот на кралот на Саудиска Арабија славеа по изведување на пенали над Ал Наср со 5-4 (1-1).
Регуларните деведесет минути ни донесоа неверојатни сцени на овој натпревар. Прво Ал Хилал поведе со 1-0 со голот на Александар Митровиќ уште во 7. минута од натпреварот. Ал Наср израмни на 1-1 преку Јахја дури во 88. минута и го одведе мечот во продолженија. Регуларните деведесет минути ни донесоа и три црвени картони. Кај Ал Наср поцрвене голманот Оспина, додека кај Ал Хилал, Ал Булајхи и Калиду Кулибали.
Во продолженијата мируваа мрежите, па новиот куп шампион беше решаван преку изведување на пенали. Таму дури тројца фудбалери на Ал Наср (Телес, Ал Хасан и Ал Немер) не реализираа пенали, па Ал Хилал славеше со 5-4.
Al Hilal vs Al Nassr – Penalty shootout (5-4)
byu/Meladroitdimage insoccer
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
