Црвена Звезда го договори трансферот на фудбалерот на Баерн Минхен, Немања Мотика. 18-годишниот левокрилен фудбалер кој има и српско државјанство, се сели во тимот од Белград за сума од 2 милиони евра.
Мотика играше во сите младински категории на „Баварците“, како и за вториот тим на Баерн.
Трансферот го потврди и генералниот директор на Црвена Звезда, Звездан Терзиќ.
„Милан повторно купува од нас, а ние од Баерн. Европските големи клубови повторно ја почитуваат Црвена Звезда. Нашите играчи одат во Серија „А“ и шпанска „Примера“. Играчите веруваат на денешната Црвена Звезда, а тоа докажува дека најдобриот стрелец во Норвешка или најдобриот млад играч на Баерн сака во нашиот клуб“, изјави Терзиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА