Благодарение на огромните финансиски вложувања во спортот, во последните години турските клубови се наметнаа како едни од најпријатените изненадувања во спортскиот свет. Од фудбалот и кошарката па се до одбојката, великаните како Бешикташ, Галатасарај, Фенербахче и Тразбон го најдоа излезот во Европа, но сега пандемијата на коронавирус го зема данокот и во евроазиската држава, а последните информации се фрапантни.
Oфицијалниот долг на фудбалскиот клуб Бешикташ изнесува неверојатни 390 милиони евра, што е за 100 милиони евра повеќе во однос на долгот на клубот објавен во септември 2019 година. Инфорmaциите се навистина поразувачки, а мора да се земе во предвид и дека играчи како Пепе и Алваро Негредо бранејќи ги боите на „црно-белите“ заработувале и до осум милиони евра годишно.
Бешикташ не е ниту лидер во долговите со оглед на тоа што според последните проценки од почетокот на оваа година, долгот на Фенербахче изнесува околку 600 милиони евра. Галатасарај е во малку подобра позиција од „црно-белите“, а во оваа „графа“ влегува и Тразбон со долг од 137 милиони евра. Кога ќе се соберат долговите на четирите најголеми клубови во Турција, истите се искачуваат на неверојатни 1.6 милијарди евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА