Во Скопје во тек е одбележувањето на „Европска недела на мобилност“, преку која традиционално од 16. до 22. септември желбата е да се насочи вниманието на јавноста во обидот на подобрување на јавното здравје и квалитетот на животот преку промовирање на одржлив урбан транспорт. Кампањата нуди можност на сите засегнати страни да се вклучат со практични решенија за справување со урбаните предизвици. Темата за оваа година е: Zero-emission mobility for all/Мобилност со 0 емисии за сите.
Во рамки на предвидените активности во реализација на Здружение на граѓани „Еко Логик“, преку програмата Вело Училишта, следи веќе претпознатливиот настан Вело-родео, кој утре од 11 до 14 часот ќе се одржи во Скопје, Градски парк, кај Школка. Истиот ќе биде поддржан и од делегација на Европската Унија во Скопје.
„Минатогодишниот настан, кој исто така се оддржа во Градскиот парк во Скопје, се покажа како повеќе од инспиративен, па токму од таа причина, решивме да стане традиционален“ – велат организаторите на настанот.
И оваа година, право на учество имаат сите ученици од основните училишта од 4-то до 9-то одделение кои имаат желба да возат велосипед како и активно и едукативно да се забавуваат преку:
- Едукативни игри кои се подготвени како: Еко Не лути се човече (во реална големина), Вело Меморија (мега верзија, карти и онлјан апликација), Еко квиз, Вело Маало,Твистер;
- Покажување и унапредување на сопствените велосипедски вештини преку: полигонско возење со препреки, возење во круг, возење по даски и препреки, и многу нови вежби кои за прв пат ќе бидат промовирани оваа година. Дополнително во овој дел ќе има одвоено и простор за бавна трка, преку која учениците ја совладуваат и вежбаат својата координација, рамнотежа, тргнување и запирање.
- Творење во рамки на креативна работилница и други изненадувања и активности.
„Со голема радост Ве очекуваме заеднички да го дадеме нашиот мал придонес во подобрување на животната средина. Настанот ќе се одвива според официјалниот протокол за организирање на јавни настани, запазувајќи ги сите здравствени мерки“ – истакнуваат организаторите на Вело-родео.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
